قرآن کی شہادت پر احتجاج کرنے 15 افغانوں کو امریکی فوج نے شہید کردیا

افغانستان میں امریکی فوجیوں کے ہاتھوں قران پاک کی بے حرمتی پر ملک بھر میں امریکا مخالف مظاہرے جاری ہیں ،مظاہرے میں فائرنگ سے ہلاکتوں کی تعداد15 ہوگئی۔ حکام کے مطابق شنوار ضلع میں ملٹری بیس کے سامنے مظاہرین پر فائر کھول دئیے گئے ، جس سے 13افراد  شہید اور 10 سے زائد زخمی ہوئے، صوبائی ترجمان روشنا خالد کے مطابق احتجاج میں مشتعل مظاہرین نے پولیس پر پتھر پھینکے ، مشرقی شہر جلال آباد میں جھڑپوں کے دوران دو افراد  شہید اور کئی زخمی ہوئے۔ مشتعل مظاہرین نے کاروں اور دکانوں کو بھی آگ لگا دی تھی ،کابل میں امریکی سفارتخانہ مکمل طور پر بند کردیا گیا ہے اور تمام تر سفر بھی معطل ہے۔ کئی جگہوں  پر شدید جھڑپوں کی اطلاعات مسلسل موصول ہو رہی ہیں اور مرنے والوں کی تعداد بڑھنے کا امکان ہے۔